MusicTrasancos

GAÑADOR DA SEMANA NÚMERO OITO

2009-12-22T08:44:00.000+01:00

Sempre me preguntei pola orixe do nome do tema desta semana, interpretado por Creedence Clearwater Revival, seguramente na súa versión máis coñecida: Suzie Q, tamén chamado Susie Q e mesmo Suzi Q.
Pero como a historia merece un capítulo especial, prefiro contala con máis tempo.

Así que si sentides curiosidade por este clásico entrade nun par de días no meu curruncho musical.

O caso é que esta última semana do ano non houbo máis que 3 respostas correctas.

E o gañador da semana, por enviar a primeira resposta correcta que chegou ao buzón, é de novo o alumno de 1º de BAC

David Garrote Yáñez

Está a clasificación actualizada en Web Trasancos.

ESTAMOS DE VACACIÓNS

APLÁZASE O CONCURSO ATA NOVO AVISO

TEMA COMPLETO DA SEMANA 8

2009-12-15T01:07:00.000+01:00

Dame a min que a xente empeza a pensar nas vacacións...
A ver si se animan co tema completo.

PISTA VISUAL...E ALGO MÁIS

2009-12-13T23:09:00.000+01:00

Sorprendentemente para min, o tema desta semana está resultando o máis dificultoso de todos ata o momento. Somentes se recibiron 2 respostas.
Así que como axuda extra regalo 5 segundos de gravación que valen o seu peso en ouro.
Acompañados dunha pista visual que tampouco e manca.

SEMANA NÚMERO 8

2009-12-11T17:39:00.000+01:00

Hoxe pilládesme de boas...

SOLUCIÓN DA SÉPTIMA SEMANA

2009-12-10T20:38:00.000+01:00

Con motivo do cambio de aloxamento da páxina web do instituto para outro servidor, produciuse un erro no arquivo da clasificación do concurso. Así que, antes de nada quería informarvos de que estou repasando as respostas de tódalas semanas, para poñer ao día a clasificación. Espero que poda estar lista mañán, venres. Pero é importante que si observades algún erro ou omisión pasedes polo Departamento de Orientación para comprobar as vosas respostas.

En canto á resposta desta semana, trátase de Stairway to Heaven, clásico tema do grupo británico Led Zeppelin, seguramente o máis importante do que a fin de contas foi o seu album máis importante: o número 4, gravado en 1971 sen título, pero que acabou sendo coñecido como Led Zeppelin IV. Foi composto polo cantante Robert Plant e polo líder e guitarrista do grupo Jimmy Page .

Este album incluía outros temas moi populares da banda (como por exemplo Black Dog ou Rock & Roll , que figuran entre os meus preferidos da banda, e dos que vos deixo un vídeo abaixo) e converteuse no seu maior éxito, chegando a vender 15 millóns de copias en pouco tempo e máis de 23 millóns de copias co paso dos anos.

Estas cifras sitúano de acordo co ranking establecido pola RIAA (Recording Industry Association of America) no cuarto entre os máis vendidos da historia. Tamén, segundo a revista Rolling Stone, figura no posto número 31 entre na lista dos mellores 500 temas musicais da historia.

Black Dog

Rock & Roll

A gañadora da semana, por enviar a primeira resposta correcta que chegou ao buzón, e que recibe polo tanto 4 puntos é, outra vez (esto ponse interesante!) a alumna de 3º da ESO

Patricia Sande Pena

Espero, como dixen ao principio, ter actualizada a clasificación ao longo de mañán, venres.

RECORDADE

NOVO TEMA MAÑÁN POLA TARDE ANTES DAS 8:00

O TEMA DA SEMANA COMPLETO

2009-12-08T00:32:00.000+01:00

Para o meu gusto, unha gran tema musical.

A PISTA VISUAL

2009-12-07T08:37:00.000+01:00

Un "pistón", diría eu...

ENTRAMOS NA SEMANA NÚMERO SETE

2009-12-04T17:34:00.000+01:00

E aquí tendes 30 segundos dun tema ben coñecido, penso eu...

SOLUCIÓNN Á SEXTA SEMANA

2009-12-03T00:00:00.003+01:00

O propio Ray Charles relata que ao final dun concerto en Milwaukee, ante a insistencia da xente que pedía máis "caña", improvisou ao piano o tema que presentamos esta semana, What'd I Say, ainda que el sempre insistía en que o seu verdadeiro nome é What I Say...

O caso é que a canción, gravada finalmente en 1959 (¡fai 50 anos!), fíxose famoso en todo o mundo, e, recentemente, a revista Rolling Stone colocouna no posto número 10 na lista das 500 mellores cancións da historia da música moderna. Curiosamente, a mesma revista, na lista dos 100 mellores cantantes da historia situa ao noso home tamén en 10ª posición.

Da enorme popularidad do tema é boa proba a cantidade de versións coñecidas: John Mayall, Johnny Cash, Cliff Richard, Bobby Darin, Etta James, Roy Orbison, Jimi Hendrix, Jerry Lee Lewis, Bill Haley and The Comets, Elvis Presley...e ata os meus amigos de Rare Earth (Coñecedes o seu tema Get Ready?) versionaron o tema con maior ou menor fortuna.

De todas elas, preséntovos tres, a ver que vos parecen.
A orixinal, nun concerto de Ray Charles en 1997:

A de Jerry Lee Lewis, do ano 1969

E a do Rei...

O gañador da semana, por enviar a primeira resposta correcta que chegou ao buzón, e que recibe polo tanto 4 puntos é nesta ocasión o alumno de 1º de BAC

David Garrote Yáñez

Ao longo do día de hoxe veredes actualizada a clasificación.

RECORDADE

NOVO TEMA MAÑÁN POLA TARDE ANTES DAS 8:00

SEXTA SEMANA: O TEMA COMPLETO

2009-11-30T23:46:00.000+01:00

Aquí tendes o tema completo.

PISTA VISUAL

2009-11-30T00:48:00.000+01:00

Que digo?
Pois que con esta pista de hoxe acertaredes todos.

O TEMA DA SEXTA SEMANA

2009-11-27T17:03:00.000+01:00

Aquí tendes, algo máis de minuto e medio de boa música.
Non vos queixedes.

SOLUCIÓN DA QUINTA SEMANA

2009-11-26T11:51:00.001+01:00

O tema desta semana I Gotta Know, está interpretado por Wanda Jackson (Oklahoma,1937), considerada como a primeira cantante femenina de rock. Este tema, composto por Paul Evans e Matt Williams, foi interpretado tamén con éxito por Elvis Presley.

Nos seus comenzos interpretaba música country, pero aconsellada por Elvis Presley pasouse ó novo ritmo.
Tivo moito éxito en todo o mundo ainda que, curiosamente, menos na súa propia terra. Wanda Jakson, "Queen of Rockabilly", segue en activo ós seus 72 anos, e gravou no ano pasado o seu último disco, adicado a Elvis: I Remember Elvis.

No obstante, houbo un tempo, a partir dos 70, no que deixou de tocar rock para adicarse á música gospel, despois de convertirse ao cristianismo.Posteriormente Rosie Flores invitouna para facer un dúo nun disco que andaba a gravar. Como consecuencia, as dúas empezaron a actuar xuntas e finalmente Wanda montou a súa propia banda, que foi moi ben acollida polas novas xeracións.

Aquí vos deixo un vídeo do ano 1958 (xa choveu...)

A gañadora da semana, por enviar a primeira resposta correcta que chegou ao buzón, e que recibe polo tanto 4 puntos é nesta ocasión a alumna de 2º da ESO

Patricia Sande Pena

Ao longo do día de hoxe veredes actualizada a clasificación, encabezada agora por Patricia.

RECORDADE

NOVO TEMA MAÑÁN POLA TARDE ANTES DAS 8:00

David Garrote foi o gañador do primeiro mes do concurso e polo tanto recibe o premio correspondente, un CD de música que el elixa.

QUINTA SEMANA: TEMA COMPLETO

2009-11-24T00:24:00.000+01:00

Chegamos ao final da 5ª semana.
Aquí tendes o tema completo para os máis rezagados.

A PISTA DO LUNS

2009-11-23T08:17:00.000+01:00

PISTA EXTRA

2009-11-22T09:22:00.000+01:00

Xa que non se reciben respostas e como somos moi bós, aquí tendes dúas pistiñas de máis a máis:
1) Esta muller naceu no ano 1937 e era amiga do "Rei do rock".
2) Aquí tendes un fragmento do tema un pouquiño máis longo, que tamén aporta datos para resolver o enigma.

O TEMA DA QUINTA SEMANA

2009-11-20T21:21:00.002+01:00

Problemas informáticos imprevistos provocaron o retraso polo que pido disculpas.
Aí tendes o tema

SOLUCIÓN DA CUARTA SEMANA

2009-11-19T10:16:00.001+01:00

Unha vez máis era un tema moi coñecido. E aproveito para advertiros que a partir desta semana imos procurar poñervos as cousas algo menos doadas.
O grupo era efectivamente Dire Straits, e o tema Sultans of Swing, tema que foi o seu primeiro single, e que formou parte do álbum que leva o mesmo nome que o grupo, Dire Straits
Dire Straits é o nome dunha banda britántica dos 70, fundada no 1977 polos imáns Knopfler (os guitarristas Mark e David, os que, tras a ruptura do grupo, seguiron as súas carreiras por separado), o batería Pick Withers e o baixo John Illsley.
O tema convertiuse no que seguramente foi o éxito máis importante da banda, vendendo máis de 2 millóns de copias.
O gañador da semana, por enviar a primeira resposta correcta que chegou ao buzón, e que recibe polo tanto 4 puntos é, unha vez máis, o alumno de 1º de BAC

David Garrote Yáñez

Ao longo do día de hoxe veredes actualizada a clasificación, que segue encabezada por David.

RECORDADE

A partires desta semana adiantaremos a publicación dos temas.

PUBLICARANSE OS VENRES POLA TARDE ANTES DAS 8:00

OS MARTES, O TEMA COMPLETO

2009-11-17T01:16:00.000+01:00

Veña, eses que faltan por enviar resposta, agora non hai disculpa...

A PISTA DO LUNS

2009-11-15T21:36:00.002+01:00

¿Quen andaría fedellando no título desta carátula?

¿Non serían estes tipos?

O TEMA DA CUARTA SEMANA

2009-11-12T17:24:00.002+01:00

Eu penso que é fácil, a ver que pos parece a vos.

SOLUCIÓN DA TERCEIRA SEMANA

2009-11-12T00:20:00.004+01:00

O tema desta semana ocupa o posto número 49 no listado dos 500 mellores cancións de tódolos tempos, publicado pola revista de música americana Rolling Stone (por certo que xa fai tempo que se edita en España)

Hotel California e o primeiro tema da cara A do album do mesmo nome gravado a finais de 1976 polo grupo americano Eagles. Foi tamén, sen dúbida, o maior éxito do grupo, o que lle dou fama en todo o mundo, e o que lles fixo ganar un premio Grammy en 1978.

A estrea do disco non estuvo exento de polémica, pois Ian Anderson, compositor de Jethro Tull acusounos de plaxio do seu tema We used to know, gravado anos atrás (en 1969) dentro do album Stand Up. Convén recordar que Eagles fixeron de teloneros de Jetrho Tull no ano 1970. A verdade é que se da un aire¿Ou non? Xuzgade vos mesmos:

O gañador desta semana, por enviar a primeira resposta correcta que chegou ao buzón, e que recibe polo tanto 4 puntos é nesta ocasión o alumno de 1º de BAC

David Garrote Yáñez

Ao longo do día de hoxe veredes actualizada a clasificación, que agora encabeza o gañador desta semana.
Se observades algún erro, xa sabedes, pasade polo Departamento de Orientación, que a culpa será miña.
Imos modificar a hora de publicación do tema semanal para esta semana.

NOTA IMPORTANTE

Temos que cambiar o día e hora da publicación da 4ª canción.

PUBLICARASE HOXE XOVES DÍA 12 POLA TARDE, ANTES DAS 8:00

A partires da 5ª semana adiantaremos tamén a publicación dos temas.

PUBLICARANSE OS VENRES POLA TARDE TAMÉN ANTES DAS 8:00

TEMA COMPLETO DA TERCEIRA SEMANA

2009-11-10T00:40:00.002+01:00

Son máis de 6 minutos, supoño que agora quedará claro.

A PISTA DO LUNS

2009-11-08T23:38:00.001+01:00

Van tres, polo precio dunha.

TERCEIRA SEMANA

2009-11-06T00:17:00.000+01:00

Esta semana non vos queixedes...
Máis de 50 segundos!
Así calquera!

SOLUCIÓN DA SEGUNDA SEMANA

2009-11-05T10:10:00.004+01:00

O tema era, efectivamente, Girl,e o grupo ven sendo ese que formaron catro "melenudos" de Liverpool aló polos 60 e que pasaron á historia como The Beatles. Formou parte do album Rubber Soul, publicado en 1965.

Pouco se pode dicir que non se sepa a estas alturas deste grupo británico que sen dúbida foi o referente da música moderna no século XX. Poderán gustar ou non, pero ninguén, penso eu, discutirá que se trata da banda máis exitosa da historia da música popular.

Únicamente, como anécdota, que a súa primeira gravación nos estudios da compañía Decca, no ano 1962, foi rexeitada polo técnico en cuestión, un tal Dick Rowe, alegando que "non me gusta o sonido" e que "os grupos de guitarra pasaron de moda"... E así foi como os Beatles ficharon pola compañía EMI. Sen dúbida foi, a de Dick Rowe, unha das pifias máis sonoras da historia da música.

O tema extra era o da película Psicosis, concretamente a música da escea da ducha, como ben apuntou Irene, e foi composto por Bernard Herrmann, como cita David Garrote. Hermann foi un dos grandes compositores da historia do cine, e a el debémoslle, entre outras moitas, a música de películas como Ciudadano Kane ou Taxi Driver.

O gañador desta semana, por enviar a primeira resposta correcta que chegou ao buzón, e que recibe polo tanto 4 puntos, máis o punto adicional da película, é o alumno de 3º A

Cristian Vázquez Salazar

Facemos un resumo das respostas recibidas ao longo desta segunda semana do concurso.

No fin de semana recibironse as respostas de Sheila, Alberto, Estrella, Juan Carlos, Naiara, Patricia, Thalía, Raquel, Sofía, Irene e David. Puntúan con 3 puntos.(Sheila, Estrella, Juan Carlos, Naiara, Patricia, Thalía, Irene e David, 1 punto adicional por Psicosis)

O luns recibiose unha resposta correcta (2 puntos+1 da película): Estefanía.
E o martes outra resposta correcta: Michelle (1 punto+ 1 da película).
Manuel Porta e Hasna María enviaron a solución correcta da película: 1 punto.

Despois de dúas xornadas, encabeza a clasificación Naiara, con 8 puntos, seguida de Padtricia, David e Irene con 7 puntos.

A partir de agora podedes consultar a clasificación provisional do concurso en
Web Trasancos.
Deixovos un enlace no menú do blog para que accedades directamente a esa información.

Se observades algún erro, pasade polo Departamento de Orientación para correxilo.

OS MARTES, TEMA COMPLETO

2009-11-02T23:15:00.000+01:00

Agora si , eh?
Coa pista de onte e o tema completiño, así calquera...
Ou non?

A PISTA VISUAL DA SEGUNDA SEMANA

2009-11-01T23:31:00.000+01:00

Ás veces unha imaxe vale máis que mil palabras.
Digo eu. ¿Ou non?

SEGUNDA SEMANA CON PROPINA DE MEDO...

2009-10-29T23:16:00.000+01:00

Aquí tendes o tema da segunda semana.
Son 20 segundos de duración dun famosísimo tema musical.

Adiviña quen canta

Concurso musical. IES Terra de Trasancos.

Pero ademais, e xa que estamos en tempo do Samaín, aquí tendes unha propiniña que valerá un punto. Unha propina de medo, coma quen di. Trátase do fragmento dunha banda sonora dunha famosa película, da que tendes que adiviñar o título.

Este tema de regalo sumará un puntiño a todos aqueles que o acerten, independentemente do momento en que envíen a solución e de que acerten ou non o tema sa semana.

Pero non influirá para determiñar o gañador da semana, que será, tal como indican as normas do concurso, a persoa que primeiro envíe a solución ao tema principal.

Recordade que podedes deixar as vosas solucións tamén como un comentario a esta entrada.

RESULTADOS DA PRIMEIRA SEMANA

2009-10-29T00:03:00.000+01:00

Claro que era "Maneras de vivir" , de Leño.
Ou se queredes de Rosendo.
Ou mesmo de Rosendo Mercado, jeje, que así aproveito e poño outro enlace para que podades consultar cousiñas. Por certo ¿Non sabede de onde lle veu ao grupo o seu nome? Pois é curioso...¿verdade?

Aquí vos deixo unha versión que me gusta moito, Rosendo e Luz Casal, a ver que vos parece.

¿Sabíades que Luz Casal participou na grabación do disco En directo, de Leño, no que aparece o tema que nos ocupa?
En fin, volvendo ao concurso, chegaron ao noso buzón 12 respostas válidas.
Pero a que chegou primeiro e convértese así na primeira gañadora semanal do noso concurso, e ponse polo tanto á cabeza da clasificación do conruso, con 4 puntazos, foi a da alumna de 3º B...

Naiara Pérez Conde

Con 3 puntos segue un grupo de sete participantes que enviaron a súa resposta de venres a domingo. Son os seguintes:

Manuel Porta Lorenzo, de 3º B
Patricia Sande Pena, de 3º A
José Luis Cendán Guzmán, de 3ºA
David Garrote Yáñez, de 1º BAC
Raquel Otero Carpente, de 3º A
Irene Lata Cabana, de 2º A
Sofía Pérez Carballido, de 3º B

Logo da publicación da pista visual do luns, recibimos a resposta correcta de Alberto Seoane Estévez, de 3º B, ao que lle corresponden polo tanto 2 puntos.
E finalmente, despois da publicación do tema completo de onte martes, recibimos 3 novas respostas válidas, que puntúan con un punto. Son as de:

Juan Carlos López Rodríguez, de 3º B
Sheila Adán Fernández, de 1º BAC
Michelle Leal Doce, de 3º B

En relación ao envío de respostas, foron detectados algúns problemas co servidor do correo da páxina. Así que decidimos que a partir de agora podades enviar as respostas de dúas maneiras: ou ben co cuestionario, ou ben deixando un comentario na entrada do propio blog. Os comentarios non aparecerán publicados, claro, pero ao final da semana farémolos públicos. Deste xeito evitamos problemas.

De despedida, un vídeo de propina.

O TEMA COMPLETIÑO

2009-10-27T08:01:00.000+01:00

¡¡¡Non é posible que alguén descoñeza este tema...!!!

A PISTA DO LUNS

2009-10-26T08:32:00.000+01:00

PRIMEIRA SEMANA

2009-10-23T08:30:00.000+02:00

Aquí tendes o fragmento do teme que tendes que averiguar esta semana.
Recordade a mecánica:

Ata o luns nada novo. O luns a primeira hora, pista gráfica: unha imaxe.
O martes a canción completa.
O xoves lista de participantes, acertantes e puntuacións.
E o venres volta a empezar.

Por se fallase o primeiro reproductor, aquí un segundo...

ADIVIÑA QUEN CANTA

2009-10-02T13:12:00.000+02:00

¿Gústache a música?
¿Crees que tes bo oído?
¿Paréceche que coñeces moitos grupos musicais?
Pois daquela aquí terás ocasión de demostralo ao mesmo tempo que te divertirás cos teus amigos, e mesmo cos teus pais (¡e avós!)...Porque os temas que iremos presentando serán de diferentes épocas i estilos.
Diso se trata o presente concurso: de adiviñar cada semana un tema musical que aparecerá no blog, coma ese que tendes ao final desta entrada, pero do que non se verá o título nin o autor.
¿Cal será a mecánica do concurso?

Vexamos:

O venres: publicación no blog dun fragmento dun tema musical.
Cada venres, a primeira hora da mañán, aparecerá no blog un fragmento dun tema musical. Se sodes capaces de recoñecer o título e o autor, mándade a solución inmediatamente utilizando este cuestionario. Tamén tedes a ligazón no menú da dereita. É importante a rapidez, porque o premio semanal será para a primeira resposta correcta que se reciba...
O luns, primeira pista: publicación dunha imaxe.
Teredes todo o fin de semana para tratar de averiguar o título e o autor do tema. Pero se non sodes capaces, o luns a primeira hora aparecerá no blog unha imaxe como pista adicional.
O martes: publicaremos a canción completa.
Para que todos poidades adiviñar o tema, ~~o mércores~~ o martes aparecerá o tema completo no blog. E poderedes enviar as vosas respostas antes do xoves.
O xoves:aparecerán publicados as respostas recibidas, coa solución e a puntuación correspondente a cada concursante.
E o venres de novo volta a empezar...

¿E quen gañará o concurso?¿Como se establecería a clasificación? Pois como che indicamos de seguido:

Gañador da semana: 4 puntos.
Cada semana resultará gañadora a persoa que primeiro envía a solución correcta. Levará o premio semanal consistente nunha invitación na cafetería. E 4 puntiños para a clasificación xeral.
Respostas correctas do fin de semana: 3 puntos.
O resto do concursantes que envíe a súa solución despois da persoa gañadora pero ao longo do fin de semana, antes de que se publique a pista do luns, puntuarán con 3 puntos.
Respostas correctas recibidas o luns: 2 puntos.
Os que a envíen unha resposta correcta o luns despois da publicación da primeira pista, recibirán 2 puntos.
Respostas correctas recibidas despois de publicar o tema completo: 1 puntos.
Finalmente, os que a envíen unha resposta correcta dendo o martes ao xoves despois da publicación do tema completo, recibirán 1 punto.
A persoa que teña máis puntos a final do mes, será obsequiada con un CD de música ao seu gusto.
E a final de curso haberá 3 premios para os tres mellores concursantes.

¡Ánimo, a concursar!