CLUBE DE LECTURA LETRAS PARA O DESLEIXO

EMPEZAMOS CO CLUBE DE LECTURA LETRAS PARA O DESLEIXO.

25N DÍA EN CONTRA DA VIOLENCIA DE XÉNERO

No ano 1993 a Declaración sobre a Eliminación da Violencia contra a Muller de Nacións Unidas definía a violencia de xénero como «toda acción ou omisión baseado na pertenza ao sexo feminino que teña ou poida ter como resultado un dano físico, sexual ou psicolóxico para a muller, así como as ameazas de tales actos, a coacción ou a privación arbitraria da liberdade, tanto se se produce na vida pública como na vida privada» 

O 17 de decembro de 1999 a Asamblea Xeral das Nacións Unidas declarou o 25 de novembro como Día Internacional da eliminación da violencia contra as mulleres.

Dende o ano  2003 ata outubro de 2018 rexistráronse 58 asasinatos machistas en Galicia e 966 no estado español. Estes datos fannos considerar que esta dramática realidade require dunha resposta unánime e firme de toda a sociedade e en tódolos ámbitos, especialmente no ámbito da educación.

O alumnado de 4º ESO elaborou este traballo para denunciar as mensaxes que transmiten moitas das cancións que escoitamos normalizadamente e os sentimentos que producen as agresións verbais, físicas e de control.

Isto non remata aquí, en breve teremos máis novidades no noso compromiso coa igualdade e en contra de toda violencia de xénero.

ELECCIÓNS RENOVACION DO CONSELLO ESCOLAR

Celebrase nos vindeiros días a elección e renovación do Consello Escolar, polo que nos parece preciso informar a toda a comunidade educativa dos días nos que teran lugar as votacións e procedementos.

Dada a importancia que ten o Consello no funcionamento do Centro animamosvos a participar, epecialmente a Nais e Pais do alumnado

Elección representantes do alumnado As votacións  terán lugar  os días
Todo o alumnado: 28 de novembro de 10:10 a 14:00. Na sala de titorías.
Alumnado que non poidera votar por que  o día anterior participou en actividades extraescolares: 29 de novembro de 12:10 a 12:30

Eleccións de representantes de nais/pais
 A votación será o día 28 de novembro de 16,30 a 19,30 na Sala de Titorías.

Elección de representantes do persoal docente e non docente: 
Profesorado e persoal non docente 28 e 29 de novembro ás 12:10 a 12:30 . A razón é facilitar a todo o profesorado a emisión do seu voto (había algúns que tiñan saídas un ou outro día). Votaremos na Sala do profesorado.

Podedes consultar as listas das candidaturas no taboleiro xunto a Secretaría e na páxina web do IES

ACTIVIDADE SEMANA 26 A 30 DE NOVEMBRO

MÉRCORES 28

- Visita ao V Campionato Galego de Formación profesional Galicia Skills 2018. Silleda

Alumnado de FP (Electricidade , Electrónica e Comercio)
Toda a mañá


- Visita ao ARSENAL e MUSEO NAVAL

Alumnado de 4º ESO
9:20- 14:00 h.

XOVES 29

- Visita a SOTAVENTO

Alumnado de 2º ESO
Saída ás 9:15 h. Toda a mañá.

MOSTRA TRABALLO DIA CONTRA A VIOLENCIA DE XÉNERO

O alumnado de 4º ESO realizou estes murais donde se mostran fotos tomadas por elas e letras de cancións,que pretenden visibilizar a loita en contra da violencia de xénero e denunciar que moitas letras de cancións promoven esta violencia.

A MUSICA DA MENTE. ACTIVIDADE DE DIVULGACIÓN CIENTÍFICA

Xurxo Mariño, na conferencia que tivo lugar no Pazo de cultura de Narón. Foto Conchi García

Alumnado de diversos IES que asistiron a charla. Foto Conchi García

O alumnado de 4º da ESO e Bacharelatos asistiu a conferencia  de divulgación  científica que baixo o título "A Musica da mente" impartiu  Xurxo Mariño, biólogo e experto en neurofisioloxía, profesor da USC e recoñecido divulgador científico

Velaiquí duas fotos dos alumnos do IES Terra de Trasancos momentos antes de iniciar a Charla e unha foto durante a intervención do conferenciante

OBSERVACIÓN ASTRONÓMICA 1º ESO

Autor: Marcos López Alonso

O alumnado de 1º ESO, xunto con profesorado do IES  participou o martes 13 de novembro nunha observación astronómica nocturna no concello de Muras (Lugo) impartida por varios membros da Sección de Astronomía da Sociedade Galega de Historia Natural e da Asociación Fotografía Ferrolterra, aos que agradecemos a súas ensinazas e colaboración. 

A actividade de observación que permiteu aos participantes visualizar con gran nitidéz a Vía Láctea e a galaxia de Andrómeda inaugura esta nova actividade da SGHN que pretende achegar o Universo ao estudantado galego

A MÚSICA DA MENTE

O 20 novembro as 11:00 terá lugar no Pazo da cultura, de Narón a conferencia de  Xurxo Mariño , Dr. en Bioloxía e profesor UDC)  que leva por título: “A música da mente”

Dirixida ao alumnado de 1º e 2º de BAC e 4º ESO

Organizado por 

• IES Terra de Trasancos.
• IES Telleiras.
• IES Cabo Ortegal.

Coa colaboración do Concello de Narón

Resumo da actividade: 
“Ten dúas partes. Na primeira fai unha introdución ao sistema nervioso e ao seu sentido evolutivo, e na segunda explica como é a actividade eléctrica das neuronas, utilizando rexistros feitos no noso laboratorio. Para apreciar mellor a actividade das neuronas, converte as descargas eléctricas en sons, de xeito que se pode "escoitar" como funciona o cerebro”.

PREMIO NACIONAL EDUCACIÓN VICENTE FERRER. Entrevista en RADIO VOZ

FESTA DAS ÁNIMAS E MAGOSTO

Como está próxima a celebración dos Santos, Ánimas, Defuntos e demais espíritos do Alén pensamos en celebrar este feliz evento no Centro os venres, 2 e 9 de novembro.

TERROR NA BLIBLIOTECA.- Venres, 2 celebramos unha actividade na biblioteca na que participará alumnado de 1º ESO e 4º ESO.
ConsisitirÁ na lectura de poemas relacionados con estas festas.


GRAN MAGOSTO.- Venres, 9: Xornada máis lúdico-cultural destinada a toda a ESO, Bacharelato e FP Básica.
MAGOSTO e XOGOS POPULARES en horario de 12:30-14:10

PROGRAMA TEI

O programa TEI (Titoria Entre Iguais) é un  programa de convivencia que implica a toda a comunidade educativa, orientdo  a  mellorar a integración escolar e traballar por unha escola inclusiva e non violenta, fomentando que as relacions entre iguais sexan  máis satisfactorias, previndo  o acoso escolar

Alumnado participante no Programa TEI

Basase na  titorización emocional entre iguais donde o respecto, a empatía e o compromiso son os piares básicos do se desenvolvemento nos centros educativos:

Profesorado Titor do programa TEI na entrega do certificado de TEI

 En secundaria: O alumnade de 3º son titores/as emocionais do alumnado de de 1º

Carnets de titor/a do TEI

Para saber máis sobre o programa TEI pica no enlace a páxina

I EDICIÓN CONCURSO CONTOS DE TERROR

Dende a Biblioteca convocamos o 1 Concurso de Contos de Terror. A que non te atreves a participar?

Establécense 4 categorías:
- 1º e 2º de ESO
- 3º, 4º de ESO e FP básica
- Bacharelato (1º e 2º) e Ciclos
- Profesorado, persoal non docente, pais e nais

Se es unha persoa valente, ousada, ou mesmo temeraria, aquí tes as BASES do concurso.
Estámoste esperando.

ERASMUS+ CONVOCATORIA 2018-19

ERASMUS+ PARA CICLO SUPERIOR.

CONVOCATORIA 2018-19

SELECCIÓN DE CANDIDATURAS

        O alumnado interesado  en participar no programa ERASMUS + Convocatoria 2018 deberán cumplimentar o impreso de solicitude e remitilo, antes do día 20 de outubro de 2018, a programaseuropeostrasancos@gmail.com.

PROCESO DE SELECCIÓN

1ª FASE

• Envio da documentación  (CV, carta de motivación e datos do alumno/a  solicitante), prazo ate o 20 de outubro
• Entrevista persoal previa solicitude de documentación ao alumnado aspirante do. 23-26 outubro-2018

2ª FASE

• PROBAS DE IDIOMA (novembro 2018).

3ª FASE

• Revisión do expediente académico e informe do equipo docente

Pode atoparse toda a información sobre as becas convocadas na seguinte documentación

Correspondentes Trasancos

O curso pasado comenzamos a colaboración  no proxecto de Correspondentes  xuvenís 3.0  promocionado pola Dirección Xeral de Xuventude no que participou con éxito alumnado e profesorado de Ciclo Medio e FPB e de 3º  da ESO PMAR 

·         Recibimos a visita da directora da Dirección Xeral de Xuventude.

·         Creamos e mantivemos un blog e unha páxina de Facebook e mantivemos un taboleiro informativo co obxecto de difundir a información de interese para o noso alumnado.

·         Por mor desta información. enviamos a alumnas o Ciclo Superior de viaxe a Italia e Xapón,

·         Participamos nos encontros de correspondentes xuvenís en Gandarío.

 A participación está aberta a alumnado e profesorado titor ou que imparta clases no grupo

Os obxectivos do progama de  correspondentes 3.0 con respecto ao alumnado son 

• Responsabilizarse de recoller a información en materia de xuventude que se lles envie desde Xuventude ou da OMIX do seu concello e de difundila entre o resto do alumnado do centro, contando co apoio do persoal do centro coordinador de información xuvenil e co profesorado participante no programa.
• Entender a importancia de acceder a información, seleccionando en orde a pertinencia e adecuación e contrastando as fontes.
• Desenvolvemento en comunicación oral e escrita  e na presentación da información recollida.
• Dinamización  da comunicación e fomento da participacion do alumnado en actividades, bolsas, concursos, formación, cooperacion  dirixidas a xuventude
• Fomento do voluntariado xuvenil.
• Crear redes de comunicación e participación xuvenil coñecendo as oportunidades que ofrece tanto a Xunta por medio da Dirección de Xuventude como o Concello e concellos de procedencia do alumnado.

Para elo os correspondentes terán as seguintes funcións:

1. Xestionar un taboleiro informativo no que haberá información sobre temas do seu interese.
2. Difundir a información que reciban a través dos medios ao seu alcance: redes sociais, entre os compañeiros de instituto, grupos de wahtsapp..
3. Manter actualizado e ordeado o taboleiro informativo do centro.
4. Remitir a Xuventude información do seu centro que poida ser de interés para correspondentes doutros puntos de Galicia.
5. Participar activamente nas actividades e tarefas resultantes do desenvolvemento do proxecto nas titorías, nas aulas, na biblioteca e noutros espazos do centro onde se desenvolvan as liñas estratéxicas do Plan Proxecta. 

Beneficios para os/as correspondentes:

• Poderán participar nos Encontros de Correspondentes Xuvenís que se organicen no albergue xuvenil de Gandarío.
• Recibirán gratuitamente o carné xove, o carné de estudante internacional (ISIC)e o carné de alberguista durante o ano escolar no que están como correspondentes.
• Terán preferencia nalgúns dos programas da DXXPV nos que así conste nas súas bases.
• Reconoceráselles o tempo como persoas voluntarias mediante un certificado expedido pola Dirección Xeral de Xuventude.
• Poderán solicitar o Certificado de experiencias: Educación non formal en materia de Xuventude.

Beneficios para o profesorado colaborador:

• Recibirán gratuitamente o carné internacional de profesor/a (Carné Teacher)

O alumnado e profesorado que desexe participar deberá dirixirse ben a Carmen  Martínez (vicedirectora do centro) ou ben a Lola Pazos (coordinadora de correspondentes)

PROBAS PAR PARTICIPAR NO CORO SOLIDARIO

Os comenzos de curso, os nervios por ver co quen che toca de compañeiros, de profes e... as probas do Coro Solidario. A rapazada esta entusiasmada con participar.

 Maña xoves tocalle a cuarto da ESO e o venres non o dúbides

•  Si che entusiasma cantar
•  Si queres participar dun grupo solidario
•  Si queres viaxar e coñecer outra xente con aficcions comuns
•  Si te comprometes con que outro mundo é posible
•  Incluso si queres empezar o teu camiño a fama...

Non o dubides,  presentate as probas o venres para participar no CORO SOLIDARIO DO IES TERRA DE TRASANCOS

So pedimos que cantes, que te comprometas e que sexas parte da comunidade de alumnado do IES Terra de Trasancos